Deanu luossabivdogielddus fápmui jáhkkimis 10.6.

Deanu čázádaga luossabivdogildosa fápmuiboahtima árvvoštallojuvvon áigetávval lea dárkkálmuvvan. Riikkabeivviid nubbi gieđahallan lea maŋŋebárgga 7.6., ja jus láhkaevttohus dohkkehuvvo, presideanta nanne lága bearjadaga 10.6. Luossabivdogielddus boađášii fápmui dalánaga.

Eana- ja meahccedoalloministeriija 1.6. almmustahttán dieđáhusas guolástangildosa árvvoštalle boahtit fápmui maŋŋebárgga 7.6. Gildosa maŋŋoneapmi dás boahtá vealtameahttun, teknihkalaš nuppástusain vai fápmuiboahtin lea vejolaš.

”Vaikke luossabivdogielddus ii leat vel boahtán fápmui, sávan, ahte Deanus eai bivdde luosa. Dál lea Deanu guollebivdiin buorre vejolašvuohta čujuhit vásttolašvuođas ja suodjalit luossanáliid ja guođđit bivdogaskaomiid gáddái”, dadjá eana- ja meahccedoalloministtar Antti Kurvinen. 
  
Luossabivdu lea earenoamáš vahátlaš dál geassemánu álggus, go johkii gorgŋot luossanáli ealáskahttima dáfus buot deháleamos luosat. Dáid stuorra eamiluosaid seastin lea eallindehálaš luossanáliid ealáskahttima dáfus.

Lassedieđut eana- ja meahccedoalloministeriijas: 

Vesa Ruusila, bivdodoalloráđđi, t. 02951 62051, vesa.ruusila(at)gov.fi
Tapio Hakaste, ráđđádalli virgeolmmoš, t. 02951 62152, tapio.hakaste(at)gov.fi