Skip to content
Government and ministries Media

Luossabivddu gártet kánske gildit Deanus – Sivvan luossanáliid earenoamáš heajos dilli

Maa- ja metsätalousministeriö
25.3.2021 15.14 | Julkaistu suomeksi 26.3.2021 klo 15.35
Dieđáhus
Kuva: Jaakko Vähämäki

Suoma ja Norgga ráđđádallamat Deanu guolástanráddjehusain leat maŋŋonan varraseamos dieđuid dihtii, maid mielde Deanu luossanáliid dilli lea hedjonan johtilit moatti maŋimuš jagi áigge. Gádjaseasanbohtosiid vuođul Detnui gorgŋo mannan gease gođđat dušše badjelaš 14 000 luosa. Dát lea vuollel bealli jagi 2018 luossameriin, mii datge ii lean nu alla dásis.

Norgga ja Suoma ministarat ráđđádalle Deanu luossanáliid dilis 26.2. Ráđđádallamiid maŋŋá Norga lea sádden Supmii evttohusa ráddjehusain. Norga evttoha, ahte Deanu luosa bivdu giddejuvvo dál álgi guolástanbajis oalát hedjonan luossanáliid dihtii. Dievasgielddus guoskkašii Deanu rádjajohkaguovllu. Lassin Norgga dálkkádat- ja birasministeriija gieldá bivddu Norgga beale oalgejogain ja joga vuolleoasis. Norgga birasdoaimmahat lea sádden cealkima várás evttohusa Deanu luosa bivddu gieldimis Deanuvuonas ja Norgga olgorittu njealji gieldda guovllus (Davvenjárga, Davvesiida, Gáŋgaviika ja Bearalváhki). Guvllolaččat hui gokčevaš evttohus sisttisdoallá geavatlaččat oppa dan guovllu, gos Deanu luossa goddojuvvo. Eará guliid bivdu seaillošii ovddežis.

– Suopma lea deattuhan ráđđádallamiin Norggain, ahte luossanáliid dorvvastan doaimmaid galgá dahkat oppa luosa eallingierddu guovllus jogas merrii. Ráddjehusat galget leat maiddái bealeheamit Suoma ja Norgga ja eará guolásteaddjijoavkkuid gaskkas. Dán viŋkilis mii váldit vuostá Norga evttohusa duođalaččat, dadjá eana- ja meahccedoalloministtar Jari Leppä.

Suopma mearrida oaivilis ja vástida Norgga evttohussii dán ja boahtte vahku áigge. Evttohusa leat gieđahallan Deanu luossanáliid dikšunbargojoavkku ja Deanu guolástannjuolggadusa ráđđádallanáirrasgottiin ja dat ráđđádallo maiddái Sámedikkiin. Boahtte jagi guolástannjuolggadusat sáddejuvvojit vel cealkámušjorrosii. Mearrádusa guolástanbaji 2021 ráddjehusain figget oažžut fápmui 1.5. rádjai.   

Lassedieđut:

Ministara sierraveahkki Teppo Säkkinen, p. 050 516 2868, teppo.sakkinen(at)tem.fi'

Ráđđádalli virgealmmái Tapio Hakaste, t. 0295 162 152, tapio.hakaste(at)mmm.fi

Fuođđodoalloráđđi Vesa Ruusila, t. 0295 162 051, vesa.ruusila(at)mmm.fi
 

EU ja kansainväliset asiat Jari Leppä Kalat Luonto ja ilmasto