Deanu luossabivdogielddus fápmui 10.6.2022

Luossabivdogielddus Deanus lea boahtán fápmui odne 10.6. go dásseválddi presideanta nannii gildosa guoskevaš lága. Lága mielde luossa lea ráfáidahtton ja luossabivdui oaivvilduvvon bivdosat gildojuvvon jagi loahpa rádjai.

Guolástangildosa rihkkumis sáhttá dubmejuvvot sáhkkui. Lassin luosa sálašin váldimis dubmejuvvo stáhtii manahuvvot árvvu, mii lágaheamet sálažin váldon guolis lea šlájas ovddasteaddjin. Luosa bokte árvu lea 
3 480 euro. 

Loahpalaš čovdosat dán jagi Deanu guolástanmearrádusain luosa bokte sohppojuvvojedje oalle maŋŋit. Guolástangildosa guoskevaš láhkaođastus gáibidii riikkabeivviid gieđahallama lassin maiddái vuođđoláhkaváljagotti gieđahallama. Vaikke gieđahallanproseassa manai njuovžilit, láhka ii geargan fápmui ovdal guolástanbaji álgima.

Luossabivdogildosa dihtii leat guolástanmearrádusaid eará šlájaid bokte láivudan. 6.5. fápmui boahtán mearrádusain sáhttá lohkat dárkileappot eana- ja meahccedoalloministeriija dieđáhusas (5.5.2022).

Lassin vássán áigodaga Deanu turismabivdolobiid hattit ja sierra guollebivdodihtomeari mearri Deanu čázádaga olggobeale ássán guolástanvuoigatvuođa hálddašeaddjiide lea nannejuvvon stáhtaráđi ásahusain. Maiddái dáid lobiiguin ii oaččo bivdit luosa.

Lassedieđut eana- ja meahccedoalloministeriijas: 

Vesa Ruusila, bivdodoalloráđđi, t. 02951 62051, vesa.ruusila(at)gov.fi
Tapio Hakaste, ráđđádalli virgeolmmoš, t. 02951 62152, tapio.hakaste(at)gov.fi