Deanu eará go luossabivddu guolástanmearrádusat dohkkehuvvon

Norggain sohppojuvvon nuppástusat Deanu guolástanmearrádusaide boahtte geassái leat nannejuvvon stáhtaráđi ásahusain. Dál sohppojuvvon mearrádusat gusket eará šlájaid go luosa bivdima. Luossabivddu gieldima láhkaovdanbuktojupmi lea gieđahallojuvvome riikkabeivviin. Stáhtaráđi ásahus boahtá fápmui 6.5.2022.

Váttis dilis, mii boahtá luossabivdogielddus, eará guollešlájaid bivdinvejolašvuođat leat lobálaččat veaháš litnásit mearrádusaiguin go diibmá.  

Turisttaide dárkkuhuvvon soavvellobiin sáhttá bivdit gáttis dábálaččamusat geavahuvvon guđešluohká ovtta gieđa geahppa dolgevuoggabivdinbiergasiiguin. Turistalobit váŋkojit geassemánu 15. beaivvi rájes  gitta suoidnemánu lohppii. Báikegotti olbmuide dárkkuhuvvon guolástanlobiiguin eará guolit go luossa sáhttet bivdojuvvot stákkuin maid fatnasis. Buot stággobivdu lea gildojuvvon ihkku, mii dárkkuha geasse-suoidnemánus áiggi 23.00-8.00 gaskkas ja borgemánus áiggi 19.00-8.00 gaskkas. Stággobivdu lea dasa lassin ráddjejuvvon ovddit jagiid ládje johkanjálmmiid lahkasiin sihke Deanu Badje- ja Vuollegeavgŋáid guovlluide vuođđuduvvon ráfáidahttinguovlluin luosa oalgesállaša vealtima várás. 

Eará šlájaid go luosa fierbmebivddus sáhttá geavahuvvot fierbmi, mas leat veaháš galjit čalmmit ja eará guoli fierbmeguolástanguovlu viidu borgemánus. Mearkkašahtti lea maid dat, ahte dápmoga sáhttá bivdit eará šlájaid go luossabivddu mearrádusaiguin. 

Stáhtaráđi ásahus julggaštuvvo 6.5.2022 láhkamearrádusain nummáriin 314/2022 ja soahpamušráiddus nummáriin 29/2022.  

Lassidieđut: 

Vesa Ruusila, meahcceráđđi, t. 02951 62051, vesa.ruusila(at)gov.fi
Tapio Hakaste, ráđđádalli virgeolmmoš, t. 02951 62152, tapio.hakaste(at)gov.fi