Gulaskuddan: Poláragirdui evttohit ođđa stáhta vánddardanguovllu

Guovlu Roavvenjárggas Raudanjoki guoras Vaattunkiköngäs ja Vikaköngäs birrasis lea guhkká leamašan garra áhpásmuhttinanus. Dál guovllu evttohit stáhta virggálaš vánddardanguovlun mii čuovvu luonddu áhpásmuhttinstrategiija. Ovddit háve stáhta vánddardanguovlu vuođđuduvvui Evoi jagi 1994. Oainnuid evttohusas Poláragierddu vánddardanguovllu vuođđudeamis sáhttá muitalit 22.4. rádjái.

Stáhtas leat dál vihtta vánddardanguovllu: Kylmäluoma, Iso-Syöte, Ruunaa, Oulunjärvi ja Evo. Olgolihkadanlága mielde stáhta eatnamii, mas lea olgolihkadeami dáfus fuomášahtti almmolaš mearkkašupmi, sáhttá vuođđudit stáhta vánddardanguovllu. Virggálaš vánddardanguovllu vuođđudeapmi dahká vejolažžan guovllu vánddardan- ja áhpásmuhttingeavaheami ja luondduturismma bistevaš ovddideami ja meahci sierra geavahanhámiid oktiiheiveheami.

Roavvenjárgii boahtti ođđa vánddardanguovllu karakterisere Raudanjoki, dan guoikkat ja máŋggat várit ja daid gaskkas suorranan áhpejeakkit. Riikkageaidnu 4 guoras guovlu lahka Roavvenjárgga gávpoga, girdingietti ja Poláragierddu lea jo guhkká leamašan bivnnuhis vánddardan- ja áhpásmuhttinguovlu, man galledeaddjilogut leat lassánan dássidit. Jagi 2023 guovllus ledje 110 000 galledeami. Juo árabut guovlu lea leamašan almmolaččat dovddus Poláragierddu vánddardanguovlun, vaikko das ii leat leamašan olgolihkadanlágas oaivvilduvvon stáhta vánddardanguovllu stáhtus.

Guovllu áhpásmuhttingeavaheami ja luondduturismma ovddideapmi lea dáhpáhuvvan 1990-logu rájes. Jagis 2006 Meahciráđđehusa Oarje-Lappi luondduvárreplánas guvlui vuođđuduvvui Poláragierdu-Vikajärvi turismma deaddočuokkesguovlu. Vánddardanmáđijat ja luonddubálgát leat guovllus oktiibuot sullii 30 kilomehtera ja mohtorgielkámáđijat sullii 10 kilomehtera. Guovllu rastá johtá lassin čáhcegeinnodat Kalliosalmis Olkkajärvii.

Ollislaččat Poláragierdu vánddardanguovllu vuođđudeami ekonomalaš- ja barggolašvuođaváikkuhusat leat árvvoštallojuvvon čielgasit positiivvalažžan. Mearkkašahttimus dahkkin gehččojuvvo giddodatdoaimma boađuid stuorruma ja stáhta guhkit áigegaskka investeremat vánddardaninfra ovddideapmin lasihit guovllu geasuhanfámu.

Ollašuhttá našuvnnalaš luonddu áhpásmuhttinanu strategiija

Poláragierdu vánddardanguovllu vuođđudemiin figgat maiddái moderniseret olles vánddardanguovlomálle ja bránda našuvnnalaš luonddu áhpásmuhttingeavaheami strategiija mielde. Mihttomearrin lea, ahte vánddardanguovllut fállet suodjalanguovlluid eanet máŋggabealagit ja eanet aktivitehtaid sihke earálágan vejolašvuođaid luonddus lihkadeapmái, áiggeájiide ja dáhpáhusaid ordnemii sierra geavaheaddjijoavkkuide. Dat dorvvastit bealisteaset fitnodagaid fállan máŋggabealat bálvalusaide ja Meahciráđđehusa áhpásmuhttingeavahanráhkadusaide.

”Dáid buot áššiid vuođđun lea geasuheaddji luondu ja dan suvdilis ávkkástallan. Stáhta vánddardanguovlluin oktiiheivehit mehciid máŋggalágan geavahandárbbuid – áhpásmuhttingeavaheami, meahcceáiggeájiid, vuovdedoalu ja luonddusuodjaleami. Poláragierdu vánddardanguovllu vuvddiidgieđahallama mihttomearrin lea boahttevuođas áhpásmuhttinanu eavttuid ovddideapmi, máŋggahámatvuođa lasiheapmi ja eanadagain fuolaheapmi”, muitala ráđđádalli virgeolmmoš Ville Schildt eana- ja meahccedoalloministeriijas.

Olgolihkadanlága mielde stáhta vánddardanguovllus galgá vuovdedoalus, meahcásteamis ja guolásteamis sihke eará eana- ja čáhceguovlluid geavaheamis vuhtiiváldit doarvái bures olgolihkadandoaimma dárbbuid. Boazodoalloguovlluin galgá giddet earenoamáš fuomášumi dasa, ahte boazodoalu hárjeheapmi ii váttásmuva dovdomassii.

Vánddardanguovllu vuođđudeamis ja dan geavaheami ákkain mearrida stáhtaráđđi.

Cealkámušaid sáhttá addit eana- ja meahccedoalloministeriijai njealji vahku áigge. Bivdit doaimmahit cealkámušaid maŋimustá 22.4.2024 vuosttamužžan šleađgapoasttain čujuhussii kirjaamo.mmm@gov.fi dahje reivviin čujuhussii maa- ja metsätalousministeriö, PL 30, 00023 VALTIONEUVOSTO. Elektrovnnalaš cealkámušaid galgá doaimmahit pdf-, Word- dahje rtf -vurkenhámis. Cealkámušaid sáhttet addit maiddái earátge go juogadeamis máinnašuvvon oassebealit ja movttiidahttit muitalit ain ovddosguvlui dieđu cealkámuša addinvejolašvuođas.

• Evttohus stáhtaráđi ásahussan Poláragierdu vánddardanguovllu vuođđudeamis (PDF, suomeksi)

• Ákkastallannotáhta (PDF)

• Cealkámušbivdda (PDF)

Poláragierdu vánddardanguovllu jearu ovdáneapmi jagiin 2015−2023 (galledeaddjilohku)

Eará sajiin neahtas:
 

Poláragierdu vánddardanguovlu

Našuvnnalaš luonddu áhpásmuhttinanu strategiija 2030
 

Lassedieđut:

Ville Schildt
ráđđádalli virgeolmmoš, eana- ja meahccedoalloministeriija
ovdanamma.sohkanamma@gov.fi
0295 162 190

Jyrki Tolonen
gulahallanhoavda, Meahciráđđehus
ovdanamma.sohkanamma@metsa.fi
0400 388 609