Hoppa till innehåll
Media

Ráđđehusa ovdanbuktojupmi luossabivddu gieldimis Deanus addojuvvui riikkabeivviide 

maa- ja metsätalousministeriö
Julkaisuajankohta 17.11.2022 13.25
Dieđáhus

Ráđđehusa ovdanbuktojupmi luossabivddu gieldimis Deanus jagi 2023 addojuvvui riikkabeivviide stáhtaráđi čoahkkimis duorastaga 17.11.2022. Luossabivdu árvaluvvo gildojuvvot Deanus luossanáliid ealáskahttima vejolažžan dahkama várás. 

Deanu luossanáliid dilli lea ain hui heittot. Deanu čázádaga skádjaseassan-, videočuovvun- ja buokčanrehkenastimiid dutkanbohtosiin lea čielgan, ahte Deanu luossanáliid dilli lea eanemustá jagi 2021 dásis dahje veaháš dán heajut. Dasa lassin einnostus divrasut stuorát, eanet jagiid mearas šaddan duovviid mearis boahttevaš jagiid lea hui heittot ja dat vuođđuduvvá ovtta mearrajagi luosaid (dittiid) goargŋunmearrái. Vai luossanáliid ealáskuvvan sáhtášii boahtit johtui, de Detnui ja oalgejogaide dárbbašuvvojit eanet duovvit. Danin luossabivdogieldu lea árvaluvvon jotkojuvvot. 

Dasgo Deatnu lea rádjejohka Norgga ja Suoma gaskkas, de mearrádusat luossabivddus dahkkojuvvojit ovttas Norggain. Dasa lassin guolástangieldu dahje fámolaš ráddjehusat fertejit gieđahallot Suoma riikkabeivviid olis. Áššis leat iskojuvvon šiehtadit hui uhccánaš luossabivdovejolašvuođas. Dás  ii leat goittotge juksojuvvon boađus, dasgo molssaeavttut eai leat gávnnahuvvon ollašuhttima dáfus gelbbolažžan. Čovdosiid evttohan beliin ledje stuorra oaidnoerohusat, man ollu dilis lea vejolaš guolástit. 

Láhkaovdanbuktojupmi, mii guoská Deanu luossabivddu, ovdána juo dál riikkabeivviide, vai dat lea vejolaš fidnet gieđahallot ovdal dáláš riikkabeaiáigodaga nohkama. Muđui láhka ii gearggaše boahtit fápmui ovdal guolástanbaji álggu. 

Láhkaovdanbuktojumis lea maid paragráfa, mii attášii rámaid ruoššaluosa (gubbeluosa) hálddašuvvon bivdofidnuide boahtte geasi, goas lea fas vuordimis dán vierrošlája fámolaš goargŋun Detnui.  

Lassidieđut: 
Vesa Ruusila, meahccedoalloráđđi, t. 02951 62051, vesa.ruusila(at)gov.fi
Tapio Hakaste, ráđđádalli virgeolmmoš, t. 02951 62152, tapio.hakaste(at)gov.fi

Haldâttâs iävtuttâs luosâpivdo kieldimist Tiänujuuvâst adelui ovdâskoodán

Halltõõzz eʹtǩǩõs luõss-šeellmõõžž ǩeâldmõõžžâst Teänjooǥǥâst uʹvddeš eeʹttiǩ-kådda

Antti Kurvinen Kalat