Hoppa till innehåll
Media

Deanu luossanáliid dilis ii buorráneapmi – luossa árvaluvvo ráfáiduhttojuvvot guolástanáigodahkii 2023

maa- ja metsätalousministeriö
Julkaisuajankohta 26.10.2022 17.21 | Julkaistu suomeksi 27.10.2022 klo 15.05
Dieđáhus
Kuva: Jaakko Vähämäki

Deanu luossanáliid dilli ii buorránan diimmá geasi rájes eaige leat mearkkat, mat nohkot luosa goargŋunmeriid lassáneami boahtte jagi. Luossanáliid heajos dili dihte Detnui árvaluvvo luossabivdogieldu 1.6.–31.12.2023. Cealkámušat ráđđehusa ovdanbuktojumis sáhttet addojuvvot 31.10.2022 rádjái.

Deanu čázádaga skádjaseassan-, videočuovvun- ja buokčalanrehkenastimiin čoggojuvvon viiddes dutkandieđu vuođul Deanu luossanáliin ii leat dáhpáhuvvan buorráneapmi diimmážis. Nálit leat eanemusat seamma dásis go jagi 2021, vejolaččat juobe heajubut. Luossabivdui eai leat vejolašvuođat; luossamearri, mii máhccá mearas, lea ain nu unni, ahte juohke bivdojuvvon luossa livččii rihkkut suvdilis bivddu prinsihpaid. 

Luossamáddodagaid dili vuhtii válddedettiin luossabivddu dievas gieldu lea vealtameahttun. Dálá dilis ii leat leamaš vejolaš meroštallat dakkáraš uhcánaš bivddu, mii ii livčče vahátlaš Deanu luossamáddodagaide, muhto livččii dahkat vejolažžan sámi luossabivdokultuvrrain bargama. Guollebivdu ja guollebivdokultuvrrain bargan Deanus ii goitge noga ollásit, daningo ovdanbuktojuvvon ráddjehusat gusket dušše luosa bivddu. Eará šlájaid oasil guolástannjuolggadusa nuppástusain šiehtadallojuvvo Norggain jagi 2023 álgogeahčen. Dápmoga ja eará šlájaid bivdu fállá vejolašvuođaid árbevirolaš guollebivdodieđu bajásdoallamii ja turismii, muhto luosa oalgesállaša vealtin lea dehálaš. 

Šiehtadallamat luossabivddu birra leat šaddan dán jagi ollašuhttot hohpolaš áigedávvalis, daningo vuoimmálaš ráddjehusat gáibidit riikkabeivviid gieđahallama nohkavaš válgaáigodagas. 
Luossabivdogielddu lassin ráđđehusa ovdanbuktojumis árvaluvvo vierrošlája gubbeluosa (ruoššaluosa) guolásteapmi, mainna ovddaldastojuvvo gubbeluosa jáhkehahtti vuoimmálaš ahtanuššan boahtte jagi.

Ovdanbuktojuvvon láhka livččii boahtit fápmui 1.5.2023. Ráđđehusa ovdanbuktojupmi ja cealkámušbivdda gávdnoba eanan- ja meahccedoalloministeriija fierbmesiidduin. Ovdanbuktojumis sáhttá addit cealkámušaid 31.10. rádjái. 

Deatnu lea okta máilmmi deháleamos Atlántta luosa lassánanjogain. Deanu čázádagas leat s. 30 sierranan luossanáli. Deatnu lea rádjejohka Suoma ja Norgga gaskkas. Dan guollebivdoráddjehusain riikkat šiehttaba jahkásaččat ovttas. Deanu luossanáliid čuovvundiehtu gávdno Deanu čuovvun- ja dutkanjoavkku siidduin

Lassidieđut

Vesa Ruusila, meahccedoalloráđđi, t. 0295162051, vesa.ruusila(at)gov.fi
Tapio Hakaste, ráđđádalli virgeolmmoš, t. 0295162152, tapio.hakaste(at)gov.fi

Tiänu luosânaalij tiileest ij puáránem – luosâ rávhuiduttem iävtuttuvvoo kuálástempajan 2023 (inarinsaame)