Luondduriggodatguovddáža čielggadus dálvvi 2021/22 diliin boazodoalloguovllus

Luondduriggodatguovddáš gárvvistii eana- ja meahccedoalloministeriija ng. boazovahátlágas (láhka 987/2011) oaivvilduvvon čielggadusa dálvvi 2021/22 diliin boazodoalloguovllus. Dilledieđuid vuođul Luondduriggodatguovddáš čielggada, leatgo diliid rievdamis šaddan deaŧalaš jápmun lohkkojuvvon vahátváikkuhusat ja guđe bálgosiid guovlluide dat vejolaččat leat šaddan.

Luondduriggodatguovddáš lea árabut doaimmahan EMM:ai dilledieđuid boazodoalloguovllus dálvvi 2021/22 áigge. Čielggadusain dát dieđut beaiváduvvojit ja jotkojuvvo, ja árvvoštallo, leatgo jámut šaddan.

Sámediggi lea 18.2.2022 ordnejuvvon sámedikkis addojuvvon lága (974/1995) 9 §:s buktán oainnus, ahte dálvit 2020/21 dilit bohccuid dábálaš dálveguohtumiin leat deaŧalaččat heajudan bohccuid biebmu oažžuma. Sámediggi lea bivdán eana- ja meahccedoalloministeriija mearridit dutkanlágádusa ávkkástallamis jámuid čielggadeamis vugiin, mii lea boazovahátlágas ja dan vuođul addojuvvon ásahusas. Lassin vihtta bálgosa leat 28.2.2022 addán ministeriijai diehtunaddima mii guoská spiehkastatlaš muohta- ja luonddudiliid.

Ministeriija oaidná, ahte diliid vejolaččat mielddisbuktán jámuid viidodaga lea dárbu kártet dál álgán čielggadusain. Lassin dilit maŋŋelis giđđat čielggadusa mielde váikkuhit dasa, rivdetgo dilit boazovahátlágas ja ásahusas oaivvilduvvon jámuin ja mat leat vejolaš jámuid váikkuhusat
Boazovahátlágas ásahit vejolašvuođas buhttet boazoeaiggádiidda jámuin šaddan vahágiid stáhta ruđain. Lága mielde dutkanlágádusa dahkan čielggadus lea vuosttas lávki buhttenvuogádaga atnuiváldimii gullevaš proseassas. Atnuiváldimii leat goittotge maiddái earát lágasásahuvvon eavttut, ja eavttuid ollašuvvamis fuolatkeahttá vuogádaga atnuiváldin lea oalát guorahallanvuloš. 
Lassedieđut:

Ráđđádalli virgeolmmoš
Tapani Sirviö, t. +358 295 162 077, tapani.sirvio (@) gov.fi