Láhka boazovahátlávdegotti vuođđudeamis lea nannejuvvon

Láhka boazodoallolága earáhuhttimis lea nannejuvvon 17.12. dásseválddi presideantta ovdanbuktojumis. Láhka boahtá vuoibmái 1.1.2021. Láhkarievdadusa ulbmilin lea duddjot doaibmi ja čađačuovgi málle boazovahágiid buhttema várás.

Lága mielde boazodoalloguvlui vuođđuduvvo boazovahátlávdegoddi, mii doaibmá guovllus bealehis ja sorjjasmeahttun áššedovdiorgánan. Lávdegoddi addá bivdaga mielde áššedovdicealkámušaid vahágiin, main bohccot vávjojuvvojit dagahan vahágiid gilvagiidda, vesáide ja visttiid šiljuide, sihke bálgesa lágain mearriduvvon áidungeatnegasvuođas. Lávdegoddi fállá maid riidduid oassebeliide soabahallanbálvalusaid, mat gusket vahágiid ja áiduma. 

Lávdegotti vuođđudeapmi heaittiha dáláš gieldaguovdasaš árvvoštallan- ja riidočoavdinlávdegottiid. Dat mearkkaša vuosttaš dási láhkageavaheami doaibmaválddi sirdáseami almmolaš duopmostuoluide namuhuvvon riidoáššiin.

Láhka doarju ráđđehusprográmma ulbmila unnidit soahpameahttunvuođaid

Ođastusa ulbmilin lea jávkadit čuolmmaid, mat laktásit dáláš riidočoavdima bealehisvuhtii ja sorjjasmeahttunvuhtii ja luohttámušvátnái, mii dan guovdu muosáhuvvo.

Láhka sávvojuvvo unnidit ruossalasvuođaid boazodoalu ja eará eanageavahanhámiid gaskkas. Ulbmilin lea maid sihkkarastit boazovahágiid ja áidunáššiid árvvoštallamii dárbahassii buori áššedovdamuša.

- Láhkarievdadusa ulbmilin lea duddjot doaibmi ja čađačuovgi málle boazovahágiid buhttema várás. Ođđa boazovahátlávdegoddi vuodju vahágiid árvvoštallamii ja soabadeapmái ja láhkageavahus sirdása duopmostuoluide. Ođastusa ulbmilin lea maid unnidit ealáhusaidgaskasaš ruossalasvuođaid earenoamážit boazodoalloguovllu lulliosiin, dadjá eanan- ja meahccedoalloministtar Jari Leppä.

Ođastusa ovdáneapmi

Boazovahátlávdegotti doaibma álggahuvvo dan maŋŋel, go eanan- ja meahccedoalloministeriija lea nammadan oasseáigásaš lahtuid ja lávdegoddi lea nannen alccesis bargoortnega. Lahtuid nammadeapmi válmmastallajuvvo bárrásiin, ja áššis gullojuvvojit guovddáščanusjoavkkut.

Lahtuid válljen vuođđuduvvá dáid persovnnalaš máhttui. Dáláš árvvoštallanlávdegotti lahtuin badjel bealli lea válljejuvvon intreassačanusvuođaid vuođul.

Stáhtaráđi ásahus, masa gullet boazovahátlávdegotti doaimma dárkilit njuolggadusat, sihke eanan- ja meahccedoalloministeriija ásahus, mii guoská lávdegotti gieđahallanmávssuid, lea ulbmil addojuvvot ođđajagimánus ovdal lávdegotti ásaheami.

Lága sirdásannjuolggadusa mielde dáláš árvvoštallanlávdegottiid doaibma joatkahuvvá gitta dassážii, go ođđa boazovahátlávdegoddi lea ásahuvvon.

Lassidieđut:

Eanan- ja meahccedoalloministtar Jari Leppä sierraveahkki Teppo Säkkinen, 050 516 2868, teppo.sakkinen(at)mmm.fi 

Láhkaásahanráđđi Johanna Wallius, 02951 62244, johanna.wallius(at)mmm.fi