Guolástannjuolggadus Deanu oalgejogaide geassái 2025 boahtá fápmui 1.6.

Stáhtaráđđi dohkkehii duorastaga 22.5.2025 ásahusa, mii guoská Deanu oalgečáziid. Ásahus dievasmahttá Deanu čázádaga eará guolástannjuolggadusaid nohkki jahkái 2025. Ásahus boahtá fápmui geassemánu vuosttas beaivve.

Deanu oalgečázádagain lea álgi geasi erenoamáš dehálaš vuojulduvvat eará guollešlájaid go luosaid bivdimii, daningo ollisvuohtan Deanu čázádaga luossamáddodagat leat hui fuonit ja ovddit geasi duovvimearit leat buot áiggiid uhcimusat. Luossabivdinvejolašvuohta sáhttá rahppojuvvot hui gáržžes hámis duššefal Ohcejoga čázádaga luossagoargŋunviidodagas, gos luossamáddodagaid dilli lea leamaš veaháš buoret go eará oalgečázádagain.  

Ohcejogas oažžu bivdit luosa golmma jándora áigge suoidnemánu 1 beaivve rájes gitta suoidnemánu 4 beaivve rádjái maŋŋebárggas diibmu 19 bearjadahkii diibmu 19.  Sálašin oažžu váldit oktiibuot ovtta ditti dahjege vuollel 65 cm luosa guollebivdi guovdu. Stuorát luosat galget luitojuvvot ruovttoluotta johkii várrugasat, daningo dat lea dehálaš gođđoguliid luossamáddodagaid ealáskeami dáfus. Luosa johkaveajehiid suodjin ásahuvvon vuollemihttu, 30 cm, galgá almmátgen adnojuvvot maid muittus. 

Rádjajohkaviidodagas, Deanu váldooalis ja Anárjogas, luossabivdu ii leat lobálaš muđui go vejolaš ovttaskasdáhpáhusain Deanu sápmelaččaid guolástankultuvrra bajásdoallamii laktáseaddji spiehkastatlobiiguin, maid mieđiha Sámi EJB-guovddáš. 

Muđui ásahusa njuolggadusat eai nuppástuva mearkkašahtti láhkái ovddit jagi ektui. Guolástanmearrádusat leat hui guhkás seammát go Deanu váldooalis. 

Luondduriggodatguovddáš čuovvu luossamáddodagaid dili máŋgga sierra vuogi mielde Deanu čázádagas. Luosa goargŋunmeriid vulos Deanu Buolbmágis sáhttá čuovvut Luondduriggodatguovddáža siidduin. Dađi bahábut luossamáddodagaid fuones dilli vuorddehahttivuođa mielde joatkašuvvá ja luosa sadjái gánniha háhpohallat sálašin eará šlájaid. Sávvojuvvo, ahte guollebivdit leat ovddasvástáduslaččat iežaset guollebivddus. 

Lassidieđut
Tapio Hakaste, ráđđádalli virgeolmmoš, eanan- ja meahccedoalloministeriija, t. 0295 162 152, ovdanamma.goargu@gov.fi
Irena Pirhonen, ráđđehusčálli, eanan- ja meahccedoalloministeriija, p. 0295 162 069, ovdanamma.goargu@gov.fi

Liŋkkat
Stáhtaráđi ásahus guollebivddus Deanu čázádaga oalgečáziin jagi 2025
Eanan- ja meahccedoalloministeriija dieđáhus (3.4.2025) Suoma ja Norgga rádjajohkaguovllu dahjege Deanu váldooali ja Anárjoga guolástannjuolggadusas