Hyppää sisältöön
Media

Luossabivddu mearreáigásaš gieldimis Deanus addojuvvon lága fápmui boahtin maŋŋona – ministeriija doarjala guollebivdiide

maa- ja metsätalousministeriö
Julkaisuajankohta 1.6.2022 10.31 | Julkaistu suomeksi 1.6.2022 klo 15.42
Dieđáhus
Kuva: Jaakko Vähämäki

Riikkabeaivvit dohkkehii dievasčoahkkima nuppi gieđahallamis 31. miessemánus láhkaásahusa, mii gieldá luossabivddu mearreáigásaččat Deanus. Cuoŋománus ráđđehusa evttohusa attedettiin árvvoštalle, ahte láhka boađášii fápmui geassemánu 1. beaivve. Dálá árvvoštallama mielde láhka boađášii fápmui goittotge easkka 7.6.2022.

Lága fápmuiboahtima maŋŋoneapmi oaivvilda, ahte luossabivdingildosa guoskevaš mearrádusat eai leat vel fámus guollebivdobaji álggus 1. geassemánu. Dán dihtii eana- ja meahccedoalloministeriija doarjala guollebivdiide Deanu luossanáliid suodjaleapmin. Deanu luossanálit leat hedjonan sakka ja árvvoštallamiid mielde buot luossabivdu livččii liigebivdu dál. Mearas johkii gorgŋon luossamearri lea nu vuollegaš dál, ahte suvdilis guollebivddu vuolggasajit eai dieva, vaikke guollebivdu ii livččii olláge. Ministeriija sávvá, ahte dili duođalašvuohta áddejuvvo ja vaikke luossabivddu guoskevaš láhka ii leat vel fámus, olbmot eai vuolggášii dál diehtomielalaččat bivdit dahje váldit luosa sálašin.

Eana- ja meahccedoalloministeriija deattuha Suoma ja Norgga gaskasaš ráđđádallamiin olahuvvon Deanu guollebivdobaji 2022 guollebivdoráddjemiid loahppabohtosa. Norggain sohppojuvvon nuppástusat Deanu guollebivdomearrádusaid mielde eará šlájaid go luosa bivddus bohte fápmui stáhtaráđi ásahusain 6.5.2022. Ásahusain fápmui biddjojuvvon beavdegirjji mielde guollebivddus lobálaš bivdoneavvut leat eará go luosa ja vallasa bivdui oaivvilduvvon guolástanbiergasat. Riikkaid gaskka sohppojuvvon luossabivdogildosa guoskevaš mearrádusat leat daid viidodaga dáfus ollašuhttimis Suoma bealde lága dásis eaige láivvit ráddjehusain geavadagas lean stáhtaráđi ásahusa bokte. Lágain gildet luossabivddu ja luossabivdui gullevaš gaskaomiid ávkkástallama Deanu čázádagas jagi 2022, vai luossanáliid garra hedjoneami lea vejolaš bissehit ja addit eavttuid luossanáliid ealáskeapmái ja oažžumii suvdilis dássái.  Norggas luossabivdogielddus lea juo boahtán fápmui.

Lassin eana- ja meahccedoalloministeriija háliida muittuhit maiddái guollebivdui laktásan birasovddasvástádusa mearkkašumis, mii gokčá ovddasvástádusa luonddus ja dan máŋggahámatvuođas, birrasis ja kulturárbbis. Birrasa suvdilis ávkkástallama vuođđojurdagiid ollašuhttimis galgá váldit vuoiggalaččat vuhtii maiddái boahttevaš sohkabuolvvaid vejolašvuođaid guollebivdui.


Lassedieđut eana- ja meahccedoalloministeriijas:

Vesa Ruusila, bivdodoalloráđđi, t. 02951 62051, vesa.ruusila(at)gov.fi
Tapio Hakaste, ráđđádalli virgeolmmoš, t. 02951 62152, tapio.hakaste(at)gov.fi