Njávdáma guolástansoahpamušráđđádallamat álgán
Njávdáma guolástansoahpamuša ja -njuolggadusa ođasmahttinráđđádallamat Suoma ja Norgga gaskkas leat álgán.
Njávdáma áirrasgottiid vuosttamuš čoahkkin dollojuvvui buorre vuoiŋŋas Norgga Kirkonjárggas 5.-6.11.
Ráđđádallamiin hábmejuvvui oktasaš dillegovva Njávdáma guollenáliid ja guolásteami dálá dilis. Luondduriggodatguovddáža ja Norgga luossanáliid dikšuma dieđalaš ráđi ovdanbuktimat Njávdáma luossanáli dilis ja luosa buvttadeamis olles čázádaga guovllus ledje dillegova vuolggasadjin.
Lassin seassama vuolde ledje Njávdáma guolásteami ovttasbargojoavkkus sohppojuvvon eaktodáhtolaš rievdadusat guolástannjuolggadusaide Suoma ja Norgga bealde.
Riikkain lei oktasaš oaidnu das, ahte guolástannjuolggadusa rievdadanmuni ferte buoridit, mii dagašii buorebut vejolažžan guolásteami muddema go luossanáliid dilli rievdá ja earáid dikšundoaimmaid ásaheami dárbbu mielde.
Guolástansoahpamuša ja guolástannjuolggadusa ođasmahttinbarggus adnojuvvo ávkin bargu gáiddusin ja báikki alde. Proseassa áigetávvalat čilget dárkileappot boahtte giđa áigge.
Lassedieđut:
Tapio Hakaste, ráđđádalli virgeolmmoš, eana- ja meahccedoalloministeriija, tel. +358 295 162 15
Liŋkkat:
Eana- ja meahccedoalloministeriija dieđáhus Njávdáma áirrasgotti nammadeamis (26.9.) Suomagillii
