Njiävđámjuuvâ kuálástemsopâmušráđádâlmeh algii
Njiävđámjuuvâ kuálástemsopâmuš já kuálástemnjuolgâdus uđâsmittemráđádâlmeh Suomâ já Taažâ kooskâ láá álgám.
Njiävđámjuuvâ airâskuudij vuossâmuš čuákkim tollui positiivlijn mieláin Taažâ Kirkkonjaargâst 5.-6.11.
Ráđádâlmijn hämmejui ohtsâš tilekove Njiävđámjuuvâ kyelinaalij já kuálástem taan tove tiileest. Vuolgâsaijeen tilekován lijjii Luánduriggodâhkuávdáá sehe Taažâ luosânaalij tipšo tieđâlii rääđi oovdânpyehtimeh Njiävđámjuuvâ luosânaalij tiileest já luosâpyevtittâsâst oles čácádâhkuávlust.
Toos lasseen tárkkojii Njiävđámjuuvâ kuálástem oovtâstpargojuávhust soppum rijjâtátulijd nubástusâid kuálástemmiärádâssáid Suomâ já Taažâ peln.
Enâmijn lâi ohtsâš uáinu tast, ete kuálástemsopâmuš já kuálástemnjuolgâdus njyebžilvuođâ kalga pyerediđ já talle ličij pyerebeht máhđulâš heiviittiđ kuálástem, ko luosânaalij tile muttoo, já heiviittiđ eres tipšotooimâid táárbu mield.
Kuálástemsopâmuš já kuálástemnjuolgâdus uđâsmittempargoost annoo káidus- já aldaporgâm. Proosees äigitaavluh tärhišuveh puáttee kiiđâ ääigi.
Lasetiäđuh:
Tapio Hakaste, ráđádâllee virgeolmooš, eennâm- já meccituáluministeriö, p. +358 295 162 15
Liiŋkah:
Eennâm- já meccituáluministeriö tiäđáttâs Njiävđámjuuvâ airâskode noomâtmist (26.9.)
