Saǥstõõllmõõžž Njauddâmjooǥǥ kueʹllšeeʹllemsuåppmõõžžâst aʹlǧǧe
Njauddâmjooǥǥ kueʹllšeeʹllemsuåppmõõžž da kueʹllšeeʹllemvuâkkõõzz oođeemsaǥstõõllmõõžž Lääʹddjânnam da Taar kõõskâst lie älggam.
Njauddâmjooǥǥ välddõskooʹddi vuõssmõs såbbrest leäi šiõǥǥ jiõgg, ko välddõskååʹdd såbbrõʹšše Taar Ǩeârkknjaarǥâst 5.–6.11.
Saǥstõõllmõõžžin šõddeeš õhttsaž vueʹǩǩ-koov Njauddâmjooǥǥ kueʹllnaaʹli da kueʹllšeellmõõžž tän poddsaž vueʹjjest. Vuâlggsââʹjjen vueʹǩǩ-koʹvve leʹjje Luâttväärrkõõskõõzz di Taar luõssnaaʹli hååid tiõđlaž suåvtõõzz eʹtǩǩõõzz Njauddâmjooǥǥ luõssnääʹl vueʹjjest da luõss-šõkknem-mieʹrin čäccõsvuuʹdest.
Lââʹssen täʹrǩstõʹlleš Njauddâmjooǥǥ kueʹllšeellmõõžž õhttsažtuâjj-jooukâst suåppum jiõččtäättlaž muttsid kueʹllšeeʹllem-meärrõõzzid Lääʹdd da Taar peäʹlnn.
Jânnmin leäi õhttsaž vuäinalm tõʹst, što kueʹllšeeʹllemsuåppmõõžž da kueʹllšeeʹllemvuâkkõõzz njueʹbǯǯlõsvuõđ âlgg pueʹreed, mii vueiʹtlvââstči pueʹrben kueʹllšeellmõõžž šiõttummuž luõssnaaʹli vueʹjj mottjeen da jeeʹres håiddtååimai šiõttummuž taarb mieʹldd.
Kueʹllšeeʹllemsuåppmõõžž da kueʹllšeeʹllemvuâkkõõzz oođeemtuâjast äuʹǩǩeet ougglõs- da âʹlddreâuggmõõžž. Proseeʹss äiʹǧǧtaaul täʹrǩsmâʹvve pueʹtti ǩiiđ ääiʹj.
Lââʹssteâđ:
Tapio Hakaste, saǥstõõlli veʹrǧǧooumaž, mädd- da meäʹcctäällministeria, teʹl. +358 295 162 15
Liiŋk:
Mädd- da meäʹcctäällministeria teâđtõs Njauddâmjooǥǥ välddõskååʹdd nõõmtummšest (26.9.)
