Boazodoallolága ođastus dorvvasta guohtuneatnamiid bistevašvuođa ja čielggasmahttá boazomeriid hálddaheami
Ráđđehus ovdanbuktá láhkarievdadusa, mii doarju boazodoalu eavttuid, ja doarju boazoguohtuneatnamiid ortnega ja buvttadannávccaid. Láhkii lasihuvvo maid njuolggadus sápmelaččaid gielalaš ja kultuvrralaš rivttiid dorvvasteamis.
Ovdanbuktima mielde bálgesat fertejit ráhkadit boazoguohtuneatnamiid dikšun- ja geavahanplánaid logi jagi gaskkaid. Plánemiin viggojuvvojit gávdnat guvlui heivvolaš guhkesáigásaš geavadat, mat dorjot guohtuneatnamiid bistevaš anu ja eastadit ovdamearkka dihte daid šaddamis suovkan ja duoddariid vuovdiluvvamis sihke jeageleatnamiid badjelmearálaš gollamis.
Dasa lassin bálgesat galget dás duohko dahkat jahkásaččat mearrádusa boazomeari unnideamis, vai boazomearri bissu stuorimus lobálaš meari vulobealde. Ođastus dárkkálnuhttá maid prinsihpaid das, mot unnideamit čuhcet bálgesa osolaččaide. Juos boazomearri ii unniduvvo gáibiduvvon vuogi mielde, sáhttá mearriduvvot hálddahuslaš čuovvumušmáksu. Ná eastaduvvojit badjelmannamiin šaddan árut dego riska doarjagiid massimis.
Láhkii lasihuvvojit maid ulbmilat boazodoalu eavttuid ja sápmelaččaid gielalaš ja kultuvrralaš rivttiid dorvvasteamis. Dasa lassin boazodoalu hálddahus dahkkojuvvo njuovžilin ja váldodoaibmasaš boazodoalu sajádat váfistuvvo.
Ođastussii gullet maid rievdadusat lágaide, mat gusket eanan- ja šaddogárdedoalu doarjagiid sihke boazodoalu ráhkadusdoarjagiid. Ulbmilin lea, ahte lágat bohtet vuoibmái 1.6.2026, ja sirdásanáigi addojuvvo plánaid ráhkadeapmái sihke čuovvumušmávssuid bearrama johttáheapmái.
• (Liŋka) ráđđehusa ovdanbuktin riikkabeivviide láhkan boazodoallolága rievdadeamis ja dasa gullevaš láhkan
• Láhkaásahanfidnu válmmastallanáššegirjjit leat prošeaktasiidduin.
Lassidieđut
Láhkaásahanráđđi Johanna Wallius, t. 0295 162 244
Ovttadaga hoavda Anna-Leena Miettinen, t. 0295 162 409
Šleađgaboasttat eanan- ja meahccedoalloministeriijas leat hámis ovdanamma.goargu@gov.fi
