Boazodoalu buoremus geavadagaid ráđđádallanforum
Eana- ja meahccedoalloministeriija lea mearridan ásahit ođđa ráđđádallanforuma, mii gieđahallá boazodollui gullevaš gažaldagaid. Ráđđádallanforuma doaibma lea boazodoalu hárjeheaddjiid ja dakkár, geat eai hárjet boazodoalu, riikkavuložiid ruossalasvuođaid ovddalgihtii eastin nu, ahte dahkat oktasaš speallannjuolggadusaid ja buoremus geavadagaid.
Ráđđádallanforuma vuođđudeamis ja doaimmas ii leat mearriduvvon ásahusa bokte, muhto dan doaimma vuođđun lea eaktodáhtolašvuohta ja iešreguleren. Ráđđádallanforum ii gieđahala áššiid, mat gullet boazodoallolága mielde árvvoštallanlávdegottiid doaibmaváldái.
Ráđđádallanforuma sátnejođiheaddjin nammaduvvo Lappi ealáhus-, johtolat- ja birasguovddáža dálonguovlluovttadaga ovttadatoaivámuš Hannu Linjakumpu.
Foruma dárkilut doaibmaplána meroštallojuvvo giđa 2017 áigge nu, ahte jo geassit 2017 rádjai vejolaš boazodoalu ja eará doaibmiid gaskasaš váttisvuođaid várás leat sohppojuvvon čovdosat ja geavadagat.
Lassidieđut:
Eana- ja meahccedoalloministeriija, ráđđádalli virgeolmmoš Tapani Sirviö, 050 431 6077
Lappi EJB-guovddáš, Ovttadaga oaivámuš Hannu Linjakumpu, 040 848 1962
