Stáhtaráđđi ii gávnnahan guohtoneatnamiid diliid ággan boazojámuid buhtadusaide
Stáhtaráđđi dievasčoakkámisttis golggotmánu 5. beaivve ii dohkkehan dálvvi 2021/2022 boazoguohtoneatnamiid diliid jápmobuhtadusaid ággan. Mearrádusa mielde dálkediliid nuppástusat eai dolvon boazovahátlága ja -ásahusa mielde viiddes ja noahkomeahttun jámuide, mat uhkidit ealáhusa bissovašvuođa. Dálvvi váttes diliid sivvan lei goavvi jiekŋa- ja muohtadili dáfus. Bohccuid njuovvanboazomeriid, boazojámuid meari ja miessejávkku vuođul ii sáhte gávnnahuvvot, ahte diliid earáhuvvamis livččii gažaldat jámus, mii vuoigadahttá buhtadussii.
Stáhtaráđđi geahččá, ahte jápmobuhtadusat mieđihuvvojit easka viiddes ja noahkomeahttun jámuid geažil. Boazovahátláhkaásaheami mieldásaš árvvoštallama dahkamis eai fuomášuvvon dákkár vahágat, mat livčče čuohcán boazodollui, vaikko goviin čuvvon jiekŋa- ja muohtadili dihte dilit leat leamaš váddásat. Bohccuid njuovvanboazomeriid, boazojámuid meari ja miessejávkku vuođul ii sáhte gávnnahuvvot ahte diliid earáhuvvamis livččii gažaldat jámus, mii vuoigadahttá buhtadussii. Dárkilit dieđut dálvvi 2021/2022 váikkuhusain boazodoalu guovddáš molsahuddiide gávdnojit dieđáhusa čuvvosis.
Lassiruhtadeapmi boazodoalu gánnáhahttivuođa čuolmmaide ollahuhtton ovddit mearrádusaiguin
Ovdal stáhtaráđi mearrádusa Luondduriggodatguovddáš ja Sámi EJB-guovddáš ollahuhtte boazovahátláhkaásaheami mielde jámu čielggadeami ja váikkuhusaid árvvoštallama. Dálvvi 2021/2022 váttes dilit váikkuhe eanas sámi guovllus, nu ahte ráđđádallamat, mat gieđahalle dálvvi diliid, ollahuhttojuvvoje sámedikkiin.
Stáhta lea maŋemus guovtti jagi áigge lasihan ruhtadeami boazodollui dan gánnáhahttivuođa buorideami várás. Eallit guđđojuvvon bohccuid doarjja bajiduvvui badjel 20 % diibmá, ja dán jagi dollojuvvui buhtadusdássi seamma dásis. Dáid bajidemiid oktasašárvu lea sulaid 2 miljovnna euro. Dasa lassin stáhtaráđđi deattuha, ahte eanan- ja meahccedoalloministeriija boazodoalu boahtteáigejoavku lea dahkan ovttamielalaš álgaga sámi árbevirolaš buvttadanhámi váfisteami várás. Dát álgga dolvojuvvo ovddos bargojoavkkus sohppojuvvon vuogi mielde.
Čuovus:
Čoahkkáigeassu dálvvi 2021/2022 diliin, boazovahátásahusa 3 § 1 momeantta 5 čuoggá mielde:
1. Eallit guđđojuvvon bohccuid mearri: Davvi-Salla, Sállevári ja Neakkela (gos leat badjelmeare bohccot) bálgesiin eallit guđđojuvvon bohccuid mearri lei vuollel 90 % golmma ovddit jagi gaskaárvvus. Njealji bálgesis eallit guđđojuvvon bohccuid mearri lei badjel 100 %, ja eanas seassanguovllu bálgesiin eallit guđđojuvvon bohccuid mearri lei 92 – 99 % buohtastahtedettiin golmma ovddit jahkái.
2. Miessebuvttadeapmi: Stáhtaráđi ásahusa muittuhančállosa mielde miessebuvttadeami unnun galggalii leat mávssolaš vai oažžu buhtadusa. Dábálaččat vuollel 30 proseantta unnun ii buhttejuvvole. Miessebuvttadeapmi lei unnon badjel 30 proseantta dušše Davvi-Salla ja Neakkela (badjelmeare bohccot) bálgesiin.
3. Njuovvanboazomearit: Earret badjelmeare bohccuid bálgesiin 2021–2022 njuovvanbohccuid mearri lei guđa bálgesis unnit go golmma ovddit jagi njuovvanboazomeriid gaskaárvu (unnun 1 483 njuovvanbohcco). Jápmojagi 2019–2020 danveardásaš vuolláneapmi lei 12 624 njuovvanbohcco.
4. Biebmangolut: Biebmangolut sturro badjel 50 % Sállevári bálgesis sihke Neakkela ja Giehtaruohttasa bálgesiin, main ledje badjelmeare bohccot. Reála biebmogolut eai šaddan guovttegeardásažžan ovttage bálgesis.
Lassidieđut:
Ossodathoavda Minna-Mari Kaila t. 0295 162 013
Ministara sierraveahkki Iina Mattila t. 050 473 6221
Ráđđádalli virgeolmmoš Tapani Sirviö t. 050 431 6077
Láhkaásahanráđđi Maija Kaukonen t. 0295 162153
Šleađgaboasta: ovdanamma.goargu@gov.fi
