Ráđđádallamat Deanu guolástanmearrádusain joatkašuvvet – ovdanbuktojupmi luossabivddu gieldima várás cealkinláhkái
Suoma ja Norgga gaskasaš ráđđádallamat Deanu boahtte guolástanbaji guolástanráddjehusain leat guhkkon. Guolástanmearrádusat leat gártan geahčaduvvot ođđasis cealkámušmáhcahagaid vuođul goappaš riikkain. Ovdánanmolssaeaktun lea loktaneamen dat, ahte luossabivdu árvaluvvo gieldit.
Vuosttaš ráđđádallanboađus, mas guolástanmearrádusaide ohccojuvvui nuppástus stáhtaráđi ásahusain, lei cealkinláhkái 28.3.2022 rádjái. Luossanáliid earenoamáš heajos dili dihtii luossabivdui ovdanbuktojedje gievrras ráddjehusat. Luossabivdu livččii goittotge háliiduvvon suovvat oanehis áigái, vai Deanu luossabivdinkultuvra deaŧaleamos bivdosiiguin sáhttá doalahuvvot. Eará guollešlájaid bivdovejolašvuođat ledje seammás fuolahuvvon, vai Deanus sáhtášii bivdit boahtte geasi eará guliid go luosa veháš suovválaččat mearrádusaiguin go jagi dás ovdal.
Norggas measta visot cealkámušaddit vuostálaste ovdanbuktojumi luossabivddu suovvamis moatti vahkkui. Suomas čuolbman loktanii dat, ahte ovdanbukton luosa guolástanráddjehusat ledje dan veardde viidát, ahte dat galggašedje ollašuhttot lágadássásažžan iige láivvit ráddjehusain geavadin leamašan stáhtaráđi ásahusa bokte.
Suoma ja Norgga eiseválddit gárte gávnnahit fidnejuvvon cealkámušaid vuođul, ahte eavttut spiehkastagaid guoski beavdegirjji vuolláičállimii eai leamašan njukčamánu loahpa rádjái, muhto riikkat fertejit šiehtat čovdosiid várás lassiáiggi. Árabut ovdan leamašan evttohusas uhcit guollebivddus ii lean vejolaš oažžut oktasašáddejumi, nu ahte luossanáliid heajos dili vuhtii válddedettiin čoavddus ohccojuvvo luossabivdogielddu bokte. Biologalaččat guolástangieldu lea ákkastallon, daningo dutkandieđu mielde Jiekŋamearas máhcce Deanu čázádaga guvlui uhcit luosat go jahki dás ovdal.
Ráđđádallamiidda laktásettiin ráđđehusa ovdanbuktojupmi láhkan luossabivddu gieldima várás Deanus sáddejuvvo jagi 2022 cealkinláhkái. Daningo guolástanbadji lea juo lahka, de áigedávval lea spiehkastat jođán. Cealkámušat bivdojuvvojit gaskavahkkui 7.4.2022 d. 14.0 rádjái. Cealkámušbivdda gávdno dáppe . (suomagillii)
Earáid go luossabivddu guollebivdomearrádusaid oasil plánan lea ovdánit juo šihttojuvvon nuppástusaid mielde.
Lassidieđut eana- ja meahccedoalloministeriijas:
Vesa Ruusila, meahcceráđđi, tel. 02951 62051, vesa.ruusila(at)gov.fi
Tapio Hakaste, ráđđádalli virgeolmmoš, tel. 02951 62152, tapio.hakaste(at)gov.fi
