Eanan- ja meahccedoalloministeriija nannii logijagášáigodaga 2020-2030 boazologuid: eanemusboazomearrái ii earáhus, bálgosat fertejit ráhkadit guohtuneatnamiid dikšunplánaid
Eanan- ja meahccedoalloministeriija lea addán ásahusa, mas stuorimus lobálaš boazolohkun nannejuvvo 203 700 eallit guđđojuvvon bohcco 1.6.2020 álgi logijagášbadjái. Bálggusguovdasaš eallit guđđojuvvon bohccuid lohku ii leat earáhuhtton.
Ásahusas nannejuvvojit stuorimus lobálaš boazologut nu, ahte juohke bálgosis osolašguovdasaš stuorimus lobálaš boazolohku lea 500 eallit guđđojuvvon bohcco.
Boazolohku áigodahkii 2020-2030 vuođđuduvvá ášši válmmaštallan bargojoavkku ovdanbuktojupmái. Bargojoavku evttohii Luondduriggodatguovddáža varraseamos dutkandieđu vuođul, ahte bálgosiin gáibiduvvo boahttevuođas dikšun- ja geavahanplána boazoguohtuneatnamiid suvdilvuođa sihkkarastima várás. Dikšun- ja geavahanplánaide galgá nammadit guokte doaibmabiju ja ollašuhttimii guvllolaččat ráddjejuvvon ulbmiliid ja ollašuhttinvugiid.
Molssaevttolaš vuohkin leat boazomeari eaktodáhtolaš unnideapmi, njuovvama áradeapmi, bohccuid jeagelguohtuneatnamiid dili buorideapmi, geaseáigge guohtunlotnašuvvama gárgeheapmi dehe bálgosiid ovttastahttin áhpasit guohtunlotnašuvvama ordnema várás.
”Dál nannejuvvon boazolohku ovttas guohtuneatnamiid dikšunplánaiguin doarju ráđđehusprográmma ulbmila ovddidit boazodoalu gárggiideami, suvdilis ja kultuvrralaččat mearkkašahtti ealáhussan”, dadjá eanan- ja meahccedoalloministtar Jari Leppä.
Boazodoalu boahtteáiggebargui ja bálggusguovdasaš boazoguohtuneatnamiid dikšun- ja geavahanplánaide válmmaštallamii ásahuvvo EMM bargojoavku.
Boazologuid válmmaštallan bargojoavkku ovdanbuktojumi ja válmmaštallanáššegirjjiid sáhttá lohkat fidnoláses vulobeale liŋkkas
https://mmm.fi/hanke2?tunnus=MMM039:00/2018.
Bohccuid gilvineatnamiidda ja eará eanangeavahanhámiide dagahan vahágiid árvvoštallan ja vahátbuhtadusriidduid čoavdima ođastus ovdána ráđđehusprográmma mielde sierra fidnus, man ulbmilin lea nannet oassebeliid riektedorvvu ja unnidit boazoeaiggádiid sihke eatnama eaiggádiid ja hálddašeddjiid gaskavuođa vuostálaga orruma. Maiddái boahttevaš guohtuneatnamiid dikšun- ja geavahanplánain galgá váldojuvvot vuhtii gilvineatnamiid vahágiid caggan.
ČUOVUS:
Eanan- ja meahccedoalloministeriija ásahus mearkabiirriin ja stuorimus lobálaš boazomeriin
Lassidieđut eanan- ja meahccedoalloministeriijas:
Sierraveahkki Teppo Säkkinen, t. 050 516 2868
Ráđđádalli virgeolmmoš Tapani Sirviö, t. 050 431 6077
